<HTML>
<META NAME="description" content=" Short stories in Georgian by Slava Meskhi. Online book">
<META NAME="keywords" content="Georgia, Caucasus, literature, language, short, story, writing, Tbilisi, Meskhi, საქართველო, კავკასია, ქართველი, ქართული, ენა, ლიტერატურა, მოთხრობა, თბილისი, მესხი, Грузия, грузин, Кавказ, язык, литература, рассказы, Тбилиси, Месхи">
<META http-equiv="Content-Type" content="text/html; charset=utf-8">
<TITLE>Short stories in Georgian by Slava Meskhi - დუსელდორფის რეისი</TITLE>
<STYLE fprolloverstyle>A:hover {COLOR: black; FONT-WEIGHT: bold}
A:link {TEXT-DECORATION: none}
A:visited {TEXT-DECORATION: none}
</STYLE>
</HEAD>
<BODY BGCOLOR=#ffffee leftMargin=10 rightMargin=10 topMargin=5 MARGINWIDTH="0" MARGINHEIGHT="0">
<font face=" Sylfaen">
<p align=justify><b><a href="http://meskhi.net"><font size=1 color=red>Back to Meskhi.Net</font> * </a><a href="index.html"><font size=1 color=red>წიგნის ყდა</font></a> *  <font size=1><a href="1.htm">დათარსული დილა</a> * <a href="2.htm">არ დაგეკარგებათ!</a> * <a href="3.htm">გაინძერი!</a> * <a href="4.htm">ჭკუის დარიგება</a> * <a href="5.htm">მათხოვრის ინსტრუქციები</a> * <a href="6.htm">აბანო</a> * <a href="7.htm">მათხოვრის არჩევანი</a> * <a href="8.htm">ახალი ამბავი</a> * <a href="9.htm">როცა დადნება თოვლი</a> * <a href="10.htm">თითო-თითო დავასაფლავოთ!</a> * <a href="11.htm">შენ რა გინდა?</a> * <a href="12.htm">დაცვა</a> * <a href="13.htm">ბოლო ფასი</a> * <a href="14.htm">პროგრესის მატარებელი</a> * <a href="15.htm">აპოლონიჩ</a> * <a href="16.htm">ქართველები</a> * <a href="17.htm">მოძრაობა</a> * <a href="18.htm">პირველი ღამე</a> * <a href="19.htm">წავიკითხოთ!</a> * <a href="20.htm">ვერ შეიშნოვა</a> * <a href="21.htm">სახინკლის ფილოსოფია</a> * <a href="22.htm">წვნიანი, ტიბაანი, საზამთრო და სხვა</a> * <a href="23.htm">კერძო</a> * <a href="24.htm">მყუდრო იყო!</a> * <a href="25.htm">პირველი ხელია</a> * <a href="26.htm">სასაცილოა</a> * <a href="27.htm">თბილისური ქრონიკები</a> * <a href="28.htm">შექსპირი სადარბაზოში</a> * <a href="29.htm">25-ე კადრი</a> * <a href="30.htm">ომი</a> * <a href="31.htm">ყველაზე იაფია</a> * <a href="32.htm">ლიტერატურული დიალოგი</a> * <a href="33.htm">თავისუფალი თემა ანუ მოსულა</a> * <a href="34.htm">დროშები ჩქარა!</a> * <a href="35.htm">თავისუფლება შავკანიან ქართველებს!</a> * <a href="36.htm">კარგი</a> * <a href="37.htm">არც ერთი სიტყვა</a> * <a href="38.htm">შეხვედრა ამომრჩევლებთან</a> * <a href="39.htm">ცისფერი კარტი, ანუ ქვევრი</a> * <a href="40.htm">დამეხმარე</a> * <a href="41.htm">მაიმუტანგები</a> * <a href="42.htm">ლობიობა</a> * <a href="43.htm">დუსელდორფის რეისი</a> * <a href="44.htm">წუთისოფელი</a> * <a href="45.htm">ძაღლის ბედი</a> * <a href="46.htm">ზეციური საქართველო</a> * <a href="47.htm">როგორ დაიჯდები სახლში?</a> * <a href="48.htm">გადარჩენა</a> * <a href="49.htm">ჭუბერი</a> * <a href="50.htm">შინისაკენ</a> * <a href="51.htm">დამკვირვებლები</a> * <a href="52.htm">აბდანაზია</a> * <a href="53.htm">ჰელოუ, მისტერ ჯექსონ!</a></b></font></p>
<font size=+1>
<p align=center>დუსელდორფის რეისი</p>
<p align=justify>
ტი-ტი-ტი-ტი ტი-ტი-ტი-ტი ტი-ტი-ტი-ტი ტი-ტი-ტი-ტი...<br>ნიკუშამ ხელი გამოყო საბნისქვეშეთიდან და გააჩუმა მტანჯველა მაღვიძარა. ღამის სამი საათი იყო, სიჩუმის დრო, არც მანქანის ხმა ისმოდა გარეთ, და არც წყლის მილის ხმა შინ.<br>- ესაო, ისაო, დიდი შენი ხათრი მაქვსო, მაგრამ ვერაო, - გაახსენდა ნიკუშას ძველებური უარის ფორმულა, - დასანანი კი არის ეს ამბავი, მაგრამ ადგომა გადაუდებელია.<br>სწრაფად ჩაიცვა, უნამუსოდ ცივი წყლით პირი დაიბანა, და მაღვიძარას ეჭვის თვალით შეხედა. თავში ისევ ურტყამდა აუტანელი ჯერებით:<br>ტი-ტი-ტი-ტი ტი-ტი-ტი-ტი ტი-ტი-ტი-ტი ტი-ტი-ტი-ტი...<br>საოცარია, მაღვიძარა გამორთული იყო, მაგრამ მისი, ოდნავ დასუსტებული ხმა, ნიკუშას არ ანებებდა თავს.<br>- გუშინდელი შავი ღვინის ბრალია, - გაიფიქრა ნიკუშამ, - არა და, ბარბარობა ლობიოს და შავი ღვინის გარეშე, გოგებაშვილზე მცხოვრებ უცხოელისათვისაც მისაღები არ უნდა იყოს!<br>დუსელდორფის რეისი ხუთის ნახევარზე ჩამოდიოდა, დრო კიდევ იყო ოხრად. საბუთები ჯიბეშია, ინსპექტორის ორი ლარიც და თუმნიანი ყოველი შემთხვევისათვის თან ახლავს.<br>სადარბაზოს სიბნელეში, როცა კარებს კეტავდა, მეზობლის ბინიდან გაიგონა მაღვიძარის მკვეთრი ხმა:<br>ტი-ტი-ტი-ტი ტი-ტი-ტი-ტი ტი-ტი-ტი-ტი ტი-ტი-ტი-ტი...<br>- ეტყობა სახლში არავინ არის, თორემ ამას როგორ აიტანდა, - გაიღიმა ნიკუშამ, - ესეც შავი ღვინის რეაბილიტაციაა.<br>აეროპორტის გამოსასვლელი დარბაზი ნიკუშას ჩაბნელებული დახვდა. პატარა მოსაცდელი ჩაკეტილი იყო, ორი პოლიციელი მოჩანდა ცარიელ დარბაზში, კარის მიღმა. ცივი დეკემბრის ქარი დაუნდობლად აყრიდა სახეში წვიმის დიდ წვეთებს.<br>- მოსაცდელში რატომ არ უშვებენ? - ჰკითხა ნიკუშამ ერთ-ერთ დამხვედრს.<br>- რა ვი, აბა? ამბობენ, ტერორიზმს ვებრძვითო.<br>- ტერორიზმი, არა - იხვი, - მიუგო ვიღაცამ უკნიდან, - სანამ კარი ჩაკეტილია - თბილად არიან. აბა, ამ ქარში რომ ვიყინებით, ვინმეს აინტერესებს, ნეტავ?<br>ნელ-ნელა გროვდებოდა ხალხი, ეტყობა თვითმფრინავი უკვე დაჯდა. ცალკე იდგა ახალგაზრდების ძალიან მოძრავი ჯგუფი. ყველა ერთი გაბარიტის - ერთნაირი ბავშვები იყვნენ, თხელი და ხმამაღლა მოლაპარაკე. ქარმა მოუმატა, და ახალგაზრდებს სიმღერა დააწყებინა. ნიკუშას გაახსენდა რომ მისი სტუდენტობის დროსაც "ზესტაფონო გშორდები" გამათბობელ-გამამხნევებელ სიმღერად ითვლებოდა. სიმღერა რომ დაამთავრეს, რამოდენიმეჯერ "კმარა, კმარა" დაიძახეს, მაგრამ წვიმამ მათი ძახილი ფეხებზე დაიკიდა.<br>ამასობაში, შიგნით, დარბაზში რაღაცნაირი მოძრაობა დაიწყო, სინათლეც აანთეს. ორი პოლიციელი გარეთ გამოვიდა და ხალხი, რომელიც პატარა ფარდულის ქვეშ მოქუჩდა, რკინის მოაჯირის გარეთ გააძევეს. კარებთან შეიქმნა ჩვეულებრივი ხალხისათვის მიუწვდომელი ზონა. სანამ ნიკუშა იქეთ-აქეთ იყურებოდა, ამ ზონაში ჩასახლდა ორი ბიძა და ერთი ახალგაზრდა ბუმბულის შავი ქურთუკით, რომელიც ხან პოლიციელს ებაზრებოდა სიგარეტით პირში, ხან კიდევ, დანარჩენ ახალგაზრდებს ანიშნებდა - ყველაფერი წესრიგშიაო. ბიძები ჩუმად იდგნენ, გაქვავებულ სახეებზე ამ დგომის მიზანი არ იკითხებოდა, მაგრამ როგორც კი გამოვიდა პირველი ჩამოსული, ყველაფერი გაირკვა. ორივემ ჩუმად შესთავაზა:<br>- მანქანა ხომ არ გჭირდება? იაფად მიგიყვანთ...<br>უცებ, მომღერალი ახალგაზრდობა გადაახტა რკინის მოაჯირს და ეცა ჩამოსულ გოგონას.<br>- ნინჩოოო!<br>- ნესტანიკოოო!<br>- ვაი მე!!!<br>- აუუუ!<br>ემოცია მძლავრი, და ამავე დროს ბუნებრივი ჟღერადობის იყო, და რაღაცას მივიწყებულს აგონებდა.<br>- ესენი იცინიან, თუ ტირიან? - გაისმა ზურგსუკან ვიღაცის ხმა.<br>ნელ-ნელა ემოციები შეიცვალა.<br>- შე დეგენერატო, გესმის შენა რას მეუბნება ეს დეგენერატი, ეს ცხოველი! და შენ ასე დგახარ, შე დეგენერატო! - გაბრაზებული ქალი ტირილით ეუბნებოდა დამხვედრს.<br>ხალხში გაჩნდა, და ჩურჩულით ვრცელდებოდა შფოთიანი სიტყვა - "ბარგი":<br>- ბარგი, ბარგი არ ჩამოვიდა...<br>- როგორ არ ჩამოვიდა?!<br>- ნაწილი ჩამოვიდა, ნაწილი არა.<br>- დაიკარგა?!<br>- თვითონ არ იციან.<br>წვიმა შეწყდა, და წვიმასთან ერთად ტერორიზმის საფრთხეც გაუჩინარდა - მოსაცდელის კარები გაიღო. ახალგაზრდების ბელადი, რომელიც აკრძალულ ზონაში პოლიციელს ელაპარაკებოდა ხმამაღლა დაემშვიდობა მას:<br>- აბა, დავაი, ძმაო, სამმართველოში შევხვდებით!<br>როცა ზალიკო ხელცარიელი გამოვიდა ნიკუშას არც გაუკვირდა.<br>- როგორ იფრინე? - ჰკითხა ნიკუშამ.<br>მანქანა სწრაფად მიდიოდა დაცარიელებულ ტრასაზე.<br>- გვერდზე ორი ქალიშვილი იჯდა - დეზოდორის და ოფლის საშინელი კომბინაცია. ყოველ ხუთ წუთში ერთი მეორეს ეუბნებოდა: "ვგიჟდები, მარკუსა მენატრება". ეგ რომ არა, დანარჩენს არა უშავს.<br>- ბარგზე რა გითხრეს?<br>- დარეკავენ. როცა ჩამოვა დარეკავენ. უზარმაზარი ოქმი დამაწერინეს.<br>- ძმაკაცმა მითხრა, ინტერნეტში წაიკითხა, როცა რეისი ისეთ ქვეყნებში მიდის, ნუ ისეთ ქვეყნებში, რა..., და უცებ კომერციული ტვირთი გაიჩითება, ესენი ბარგს ტოვებენ, და კომერციულ ტვირთს იღებენ - გაცილებით უფრო ძვირი ღირს. მერე, შემდეგი რეისით, როცა კომერციული არ არის, ნაწილ-ნაწილად ჩამოაქვთ.<br>- ეშმაკობა ყველგან არსებობს. აქ რა ხდება? მორჩა რევოლუცია?<br>- რას იზამ, ვეგუებით ახალ ტექნოლოგიებს, ახალ ტელესუფლებას. ძველი რომ ყელში ამოუვიდა ყველას, გასაგებია, მაგრამ ეს ახალი ყვარყვარეს რომ გავს?<br>- ყვარყვარეს, კიდევ არა უშავს, მთავარია არტურო უის არ დაემსგავსოს.<br>- აბა, ბიჭო! თუმცა სად თეატრი და სად ჩვენი ცხოვრება? აქ ყველაფერი მართვადია. მთავარია - სახლში ხარ.</font>
<p>© სლავა მესხი</p>
<p align=justify><b><a href="http://meskhi.net"><font size=1 color=red>Back to Meskhi.Net</font> * </a><a href="index.html"><font size=1 color=red>წიგნის ყდა</font></a> *  <font size=1><a href="1.htm">დათარსული დილა</a> * <a href="2.htm">არ დაგეკარგებათ!</a> * <a href="3.htm">გაინძერი!</a> * <a href="4.htm">ჭკუის დარიგება</a> * <a href="5.htm">მათხოვრის ინსტრუქციები</a> * <a href="6.htm">აბანო</a> * <a href="7.htm">მათხოვრის არჩევანი</a> * <a href="8.htm">ახალი ამბავი</a> * <a href="9.htm">როცა დადნება თოვლი</a> * <a href="10.htm">თითო-თითო დავასაფლავოთ!</a> * <a href="11.htm">შენ რა გინდა?</a> * <a href="12.htm">დაცვა</a> * <a href="13.htm">ბოლო ფასი</a> * <a href="14.htm">პროგრესის მატარებელი</a> * <a href="15.htm">აპოლონიჩ</a> * <a href="16.htm">ქართველები</a> * <a href="17.htm">მოძრაობა</a> * <a href="18.htm">პირველი ღამე</a> * <a href="19.htm">წავიკითხოთ!</a> * <a href="20.htm">ვერ შეიშნოვა</a> * <a href="21.htm">სახინკლის ფილოსოფია</a> * <a href="22.htm">წვნიანი, ტიბაანი, საზამთრო და სხვა</a> * <a href="23.htm">კერძო</a> * <a href="24.htm">მყუდრო იყო!</a> * <a href="25.htm">პირველი ხელია</a> * <a href="26.htm">სასაცილოა</a> * <a href="27.htm">თბილისური ქრონიკები</a> * <a href="28.htm">შექსპირი სადარბაზოში</a> * <a href="29.htm">25-ე კადრი</a> * <a href="30.htm">ომი</a> * <a href="31.htm">ყველაზე იაფია</a> * <a href="32.htm">ლიტერატურული დიალოგი</a> * <a href="33.htm">თავისუფალი თემა ანუ მოსულა</a> * <a href="34.htm">დროშები ჩქარა!</a> * <a href="35.htm">თავისუფლება შავკანიან ქართველებს!</a> * <a href="36.htm">კარგი</a> * <a href="37.htm">არც ერთი სიტყვა</a> * <a href="38.htm">შეხვედრა ამომრჩევლებთან</a> * <a href="39.htm">ცისფერი კარტი, ანუ ქვევრი</a> * <a href="40.htm">დამეხმარე</a> * <a href="41.htm">მაიმუტანგები</a> * <a href="42.htm">ლობიობა</a> * <a href="43.htm">დუსელდორფის რეისი</a> * <a href="44.htm">წუთისოფელი</a> * <a href="45.htm">ძაღლის ბედი</a> * <a href="46.htm">ზეციური საქართველო</a> * <a href="47.htm">როგორ დაიჯდები სახლში?</a> * <a href="48.htm">გადარჩენა</a> * <a href="49.htm">ჭუბერი</a> * <a href="50.htm">შინისაკენ</a> * <a href="51.htm">დამკვირვებლები</a> * <a href="52.htm">აბდანაზია</a> * <a href="53.htm">ჰელოუ, მისტერ ჯექსონ!</a></b></font></p>
</FONT></BODY>
</HTML>